
Esta mañá, a Conselleira de Medio Rural e do Mar, Rosa Quintana, visitou a base de helicópteros de O Campiño en Pontevedra, para comprobar o bo funcionamento dos programas de prevención e extinción de incendios postos en marcha pola Consellería que dirixe.
Ao longo da visita estivo acompañada polo Delegado da Xunta, Xosé Manuel Cores Tourís, e o concelleiro popular Pablo Fernández.
Rosa Quintana trasladou o seu recoñecemento aos profesionais que traballan nela, e fixo fincapé na concienciación cidadá como factor clave na prevención de incendios.